"Imaxinar a educación. 50 anos con Frato"

O pasado venres 9 de xuño o alumnado de infantil visitamos a exposición en Pontevedra adicada a Francesco Tonucci "Frato". "As súas viñetas reflicten, sempre desde a perspectiva das nenas e nenos, os erros e as contradicións da educación nas sociedades urbanas e desenvolvidas. A exposición  é unha invitación a pensar, a discutir prácticas desacertadas, a imaxinar un cambio. E ao mesmo tempo é unha oportunidade para mostrar a intelixencia e a creatividade da infancia, a súa capacidade para aprender e construír."